सप्टेंबर २०२५ मध्ये मराठवाड्यात भीषण पूरस्थिती उद्भवली होती, ज्यामुळे जीवितहानीसह खूपच मोठी वित्तहानी झाली. याचा मोठा फटका मराठवाड्यातील शेतकऱ्यांना बसला.
बृहन्महाराष्ट्र मंडळाच्या “समाजरंग” या उपक्रमांतर्गत, उत्तर अमेरिकेतील मराठी समाज आपल्या संकटग्रस्त बांधवांच्या पाठीशी उभा आहे हे दाखवण्यासाठी “मराठवाडा पूरग्रस्त मदतनिधी” उपक्रम सुरु केला.
सुरुवातीला बृहन्महाराष्ट्र मंडळातर्फे आम्ही मुख्यमंत्री सहायता निधी ला ₹१ लाख देणगी जाहीर केली.
निधीसंकलनासाठी आम्ही $२५,००० चे लक्ष्य ठरविले होते, आणि आनंदाची गोष्ट म्हणजे आपल्या सर्वांच्या प्रेमळ आणि निःस्वार्थ योगदानातून $६०,००० पेक्षा जास्त निधी जमा झाला!