छत्रपती शिवाजी महाराज हे सर्व मराठी माणसांचे दैवत आहेत. त्यांनी हिंदवी स्वराज्याची स्थापना केली आणि सारा इतिहासच बदलला. पुढे पेशव्यांनी मराठी साम्राज्याचा विस्तार अटकेपार केला. हा सगळा इतिहास आपण शिकलो.
जर तुमच्या मुलांना मराठ्यांचा हा पराक्रमी इतिहास समजावून सांगायचा असेल, तर आपण लहानपणी जी पुस्तके वाचली ती परत एकदा त्यांच्याबरोबर वाचा आणि आपले पूर्वज कोण होते, त्यांनी काय पराक्रम केला, ते समजावून सांगा.
आम्हाला खात्री आहे की त्यांना पण त्यांच्या पूर्वजांचा अभिमान वाटेल आणि न कळतच त्यांच्या ही तोंडून शब्द बाहेर पडतील “शिवाजी महाराज की जय!”.
ही पुस्तके अमेरिकेत वाढलेल्या मुलांना वाचायला जरा अवघड आहेत, त्यामुळे पालकांनीच मुलांबरोबर पुस्तकातील धड्यांचे वाचन करावे आणि मुलांना समजावून सांगावे.
बृहन्महाराष्ट्र मंडळातर्फे आम्ही तुमच्यासाठी एक नवा आणि रंजक उपक्रम घेऊन आलो आहोत: शिवछत्रपती अभ्यास वर्ग
या उपक्रमामध्ये महाराष्ट्र शासनाच्या जुन्या चौथीच्या पुस्तकातील धड्यांवर आधारित प्रश्नमंजुषा (Questionnaire) तयार करण्यात आली आहे. यात २०० होऊन अधिक प्रश्न आहेत. त्याचबरोबर विद्यार्थ्यांना संगणकावर सोडवता येईल अशी सोपी बहुपर्यायी प्रश्नावली (Multiple Choice Questions – MCQ) देखील उपलब्ध करून देण्यात आली आहेत.
विद्यार्थ्यांनी आपल्या पालकांसोबत शिवाजी महाराजांविषयी अभ्यास करावा, त्यांच्याकडून विविध घटनांची माहिती जाणून घ्यावी आणि आणि बृहन्महाराष्ट्र मंडळाची “शिवछत्रपती अभ्यास वर्ग” परीक्षा उत्तीर्ण होऊन प्रमाणपत्र मिळवावे.
पुस्तकांच्या PDF copy साठी खालील मुखपृष्ठांवर क्लिक करा
ShivChhatrapati Exam – Sample Certificate
बालभारती संग्रह पाहण्यासाठी येथ क्लिक करा
