मनोरंजनाच्या कार्यक्रमासाठी दर वेळा भारतातील कार्यक्रमांवर अवलंबून राहता येत नाही. बऱ्याच वेळा अशा कार्यक्रमांचा खर्च पण जास्त होऊ शकतो.

तुम्हाला माहीतच आहे की उत्तर अमेरिकेत अनेक कलाकार दरवर्षी आपापल्या मंडळात मनोरंजनाचे वेगवेगळे कार्यक्रम सादर करत असतात. अनेक महिने मेहनत घेऊन बसवलेले हे कार्यक्रम बऱ्याच वेळा त्यांच्या मंडळात एकदाच सादर होतात.

बृहन्महाराष्ट्र मंडळ या कलाकारांना आता नवे दालन उघडून देत आहे. जर तुमच्याकडे एखादा छानसा कार्यक्रम असेल तर खाली दिलेला फॉर्म भरा व तुमच्या कार्यक्रमाची माहिती आम्हाला द्या. इतर मंडळांना तुमचा कार्यक्रम त्यांच्या मंडळात सादर करायचा असेल तर ते तुम्हाला नक्की संपर्क साधतील.

हे कार्यक्रम स्वस्तात तर होतीलच, पण त्याहून महत्त्वाचे म्हणजे, आपल्याला या भूमीतील कलाकारांना संधी देऊन त्यांना असेच दर्जेदार कार्यक्रम सादर करण्यासाठी प्रोत्साहन पण देता येईल!