वारसा, जो वडिलोपार्जीत आलेला आणि पुढच्या पिढीला सुपूर्त केलेला असा वारसा. मराठी समाजाने उत्तर अमेरिकेत स्थलांतर करताना बरोबर आणला संस्कृतीचा, शिक्षणाचा, आठवणींचा, आशीर्वादांचा आणि मराठी मातीचा वारसा. आजचा उत्तर अमेरिकेतील मराठी समाज कोण आहे हे समजून घ्यायचे असेल तर आपण कुठून आलो,  का आलो, आणि इथल्या मातीत आपली मूळे  रोवून कसे भरभराटीला आलो हे शोधलं पाहिजे, त्याची नोंद करून, ते  जतन केलं पाहिजे. अश्या गोष्टी एकत्रित केल्या की  सर्वाना आणि भावी पिढीला आपल्या प्रवासाची झलक मिळेल. त्यासाठी चालू केला आहे “वारसा” हा प्रकल्प. 

रसा टीमने आपल्या समाजातील १९५०-१९६५ च्या सुमारास आलेल्या १२ व्यक्तींच्या मुलाखती घेतल्या आहेत. ह्या सर्व मुलाखती यूट्यूबच्या वारसा चॅनलवर उपलब्ध आहेत.  ह्या मुलाखतीना प्रेक्षकांचा भरगोस प्रतिसाद मिळाला. प्रत्येकी विडियोला ५०० ते ९०० हून अधिक views मिळाले.